اعلامية مصرية تهاجم سارة زكريا:” هيه مش ام كلثوم وبوسي وامينة سبقوها ولا تخجل من نفسها”

متابعة/ حسانة سليم

أعربت الإعلامية نهال طايل عن استيائها الشديد من حفل المطربة سارة زكريا الذي أقيم منذ يوم السبت في الساحل الشمالي، بسبب ألفاظها وهي تردد كلمات خارجة.. وقالت نهال طايل خلال تقديمها لبرنامج “تفاصيل”، المذاع عبر فضائية صدى البلد 2: “المطربة اللي اسمها سارة زكريا جات تغني في مصر ودايما بلدنا قبلة لكل الفنانين.. اللي عاوز شهرة ونجومية كبيرة بييجي لمصر عملت حفل في الساحل وجودت في الألفاظ.. إحنا معندناش ده ولا نحب نشوفه ولا يلزمنا بدليل أن كل الناس رفضت اللي حصل منها، سارة زكريا أعطت فكرة للجميع بأنها تفتقد الأخلاق والذوق العام، اللي ييجي عندنا يا يغني شبهنا يا ميجيش.. هي مبتغنيش لون زيادة عندنا بوسي وأمينة سبقوها بكتير.. هي مش أم كلثوم يعني علشان تكون فاكرة نفسها حاجه، مينفعش تكون بناتنا وأولادنا قاعدين ونسمع الألفاظ دي.. الكلام ده مرفوض”.. واختتمت بأن سارة زكريا دائما جريئة في اختيار ألفاظها ولا تخجل من نفسها على المسرح، وتتحدث بدون وعي خلال أحياؤها للحفلات ولا تدري عما يخرج من لسانها.