ليلى عز العرب:” احنا مش ارهاربي.ين وأرفض أن أقول تحيا أميركا”

متابعة/ حسانة سليم

تحدثت الفنانة ليلى عز العرب عن حبها للحضارة المصرية القديمة، مؤكدة أن كلمة الفراعنة لا وجود لها في التاريخ، كما كشفت تفاصيل مشاركتها في الفيلم العالمي hidden strike مع جاكي شان..وقالت ليلى عز العرب خلال لقائها ببرنامج “الستات” مع الإعلامية سهير جودة:” مفيش فراعنة مفيش لا لقب ولا وظيفة ولا اسم فرعون؛ لأن أجدادنا مسابوش حاجة إلا وسجلوها على الجدران أو ورق البردي، وأنا أكيد مش هنافس زاهي حواس ولكن شغفي بالحضارة المصرية القديمة بدأ من 4 سنين وزاد من سنة وبدأت أقرأ أكتر وأبحث.نفسي أعمل شخصية نفرتاري لأنها جميلة الجميلات لدرجة سميت نفسي نفرتاري من حبي فيها، ونفسي يكون عندنا أعمال عن حضارتنا ولكن طبعا مقدرش أنافس سوسن بدر في حتشبسوت ولا نفرتيتي”.. كما تطرقت ليلى عز العرب للحديث عن مشاركتها في الفيلم العالمي hidden strike مع جاكي شان وجون سينا، قائلة:” فكرة إتقان اللغة وإني أمثل وأعبر باللغة الإنكليزية كان تحدياً وتجربة مهمة جدا، والفيلم قصته بتدور في العراق وطلبوا ناس بملامح عربية ويجيدون التمثيل باللغة الإنكليزية وكنت أنا وهاني من ضمن الترشيحات وواقفت فورا لما كلموني؛ لأني بعشق جاكي شان، وجون سينا أعرفه كمصارع، أنا بجسد شخصية ثريا وهي سيدة غلبانة وفاتحة ملجأ أيتام في قريتها اللي اتدمرت في حرب العراق وكل همها تنقذ الأطفال من ويلات الحرب في ظل أزمة في المال والمياه والأكل وهي مكنش عندها أولاد ولكنها بتعامل الأطفال زي أولادها وبتعتني بهم، ولكني اعترضت على جملة تحيا أمريكا في نهاية الفيلم وقولت بدلا منها يحيا الأمريكان لكن مش أمريكا لان دي مسألة مبدأ ومقدرش أقولها.. الأفلام الأجنبية بتطلع الشخصيات العربية بشكل سلبي وإننا إرهابي.ين ومعانا فلوس وأخلاقنا مش كويسة وبنروح ملاهي ليلية، لكن دا محصلش في فيلمي لأنه بيدور في ظروف مختلفة، و قدوتي ميريل ستريب بالخارج وناس كتير بيشبهوني بها، ولكن في مصر قدوتي شادية لأنها ممقلة رائعة ومطربة هايلة وإحساسها وصوتها قوي”.