الموقع – مجلة الكترونية فنية شاملة elmaw2a3
متابعة/ حسانة سليم
تحدث الفنان رضا حامد عن علاقته بالزعيم عادل امام بعد سنوات من الخلاف بينهما، معلقًا على الشائعات التي طالت الزعيم خلال الساعات الماضية حول وفاته..وقال رضا حامد في تصريحاتصحفية: “ربنا يشفي الزعيم وهو راجل عيان ومريض ندعيله يكون ربنا معاه.. أنا مسامح الزعيم على اللي عمله فيا، هو أنا كافر أنا مسلم وربنا يسامحه ويعفوا عنه هو واللي هيتعامل معاه”..أزمة الزعيم مع الفنان جاءت بعد طرد عادل إمام لرضا حامد من فرقة مسرحية “بودي جارد”، حيث قال في لقاء تلفزيوني سابق له: “اشتغلت مع عادل إمام في فرقته 9 سنين، وحصل قبل كده لقاء مع الأستاذ أسامة كمال، وذكرت أشياء اتفهمت غلط على السوشيال ميديا، فناس نقلت له كلام غلط عني فطردني، مباكلش عيش، حتى العيش مباكلوش، المصريون أجمل حاجة فيهم بيقولوا الحمد لله حتى لو الدنيا مزنقة، الحقيقة برضه معارفي القدام تواروا عن الوسط الفني”..وكان رضا حامد، قد بادر في وقت سابق، بالصلح مع الزعيم عادل إمام، بمناسبة عيد ميلاد الزعيم، الذي وافق 17 مايو/ ايار، حيث أشار إلى أن هناك سوء تفاهم حدث بعد تصريحاته الأخيرة في أحد البرامج، فظن البعض أنه هاجم الزعيم، لانتقاده بعض أفعال عادل إمام معه..وقال في تصريحات صحفية :”عيد ميلادي معاه في نفس اليوم، ربنا يديله الصحة دا هرم كبير، تاريخ ومحدش هيعرف يبقى زيه، كون أنه له بعض التصرفات في المسرح بتاعه فهو حر، مش عاجب الممثل يمشي دا المسرح بتاعه.. النهاردة عيد ميلادي ومن الصدف الحلوة أنه عيد ميلاد الزعيم كمان، فبقوله كل سنة وانت طيب وربنا يبعد عنك أي مشكلة أو مرض وأي حاجة وحشة”..وكشف رضا أسباب ابتعاده عن الوسط الفني، مشيرًا إلي أن شركات الإنتاج تتعاون فقط مع بعض الفنانين ولا تعطى فرص للآخرين..وقال:”بعدي عن الوسط الفني مش بأيدي ونفسي اشتغل.. لكن شركات الإنتاج مركزة في تشغيل ناس معينة”.
