شقيقة طليق بوسي:” عملها نجمة وخلتو يطلق مراتو وحتطلو سلاح ومخدرات وحرمتو من ابنو”

متابعة/ حسانة سليم

قالت شقيقة الراحل وليد فطين، إن شقيقها تعرف على الفنانة بوسي من خلال خالها والذي اصطحبها إليه من أجل العمل في مجال الغناء، لافتة إلى أنها بعد فترة نجحت في الزواج من شقيقها وأرغمته على الانفصال عن زوجته الأولى والدة ابنته..وأشارت إلى أن شقيقها هو سبب شهرة  بوسي، وذلك باعترافها في كثير من لقاءاتها التليفزيونية، موضحة أنها قابلت تلك المساعدة بتدبير مكيدة له بوضع سلاح ناري ورصاص ومخدرات أسفل سريره وأبلغت عنه، ليتم حبسه..وقالت:” خالها اللي جابها لأخويا علشان تغني.. واتجوزته وخلته يطلق مراته أم بنته.. أول طلاق بين أخويا وبوسي بعد 6 شهور من جوازهم.. ورجعها لأنها كانت حامل.. حصل حاجات كتير.. وأخويا مات مظلوم.. علشان يرتاح من اللي كان فيه.. كل ذنبه إنه عرف واحدة اسمها بوسي.. وهي دمرته واتسببت في خراب بيته.. أخويا ما كنش مدير أعمالها وبس.. هو اللي صنعها وعملها نجمة.. لما رجع لمراته الأولى.. غيرتها دبرتله مكيدة وحطت سلاح ومخدرات تحت سريره.. طلبت منه يرجع الفيلا.. ويومها كانت قاعدة تحت رجليه وعملاه سي السيد.. بلغت الشرطة عن مكان السلاح والمخدرات.. ودخلوا لقيوهم في المكان.. كانت حرماه يشوف ابنه ياسين.. وقهرت أخويا ولا عرف يشتغل ولا ياخد فلوسه منها.. أخويا اتحجز في المستشفى بقاله شهر.. وميت من 3 أيام.. عملت فيه ليه كدت.. هو طلعها سابع سما.. وهي نزلته سابع أرض”