الموقع – مجلة الكترونية فنية شاملة elmaw2a3
متابعة/ حسانة سليم
كشف الفنان خالد سليم عن تعرضه لمحاولة قتل من قبل أحد الأشخاص بسبب فشل مشروع كان يجمعهما..وخلال لقائه في برنامج “حبر سري” من تقديم أسماء إبراهيم عبر قناة “القاهرة والناس” أكد خالد سليم أن هناك أحد الأشخاص دبر له حادث سير بسبب خسارة مشروع لهما وقال “”فيه شخص حاول يقتلني بس مشاكل علي فلوس كان مشروع وحد قريب جدا وفيه علاقة بأحد افراد عائلتي وقرر انه عايز يعمل مشروع ودخلت معاه كشريك وممول وأول لما الحاجات باظت ومنفعش قال لي ملكش حاجة عندي فقلت له علي العموم فيه ورق يثبت وهقدمه للمحامي بتاعي وبعدها حول يقتلني”..وأضاف خالد سليم “عربيتي اللي كانت معايا في 2006 المقصات بتاعتها اتنشرت بمنشار نحاس وخلوا فيها جزء واحد بس وانا ساعتها كنت ناقل من مصر الجديدة لبيت أكبر في المقطم، ساعتها اكتشفنا المخطط ووالدتي قالت لي لازم يكون معاك سواق يا حد مرافق معاك وفرضت علي محمد سمير ابن خالي، واحنا مكناش صحاب أوي ..عرف الناس أنه مدير أعمالي وهو لا مدير أعمالي ولا يفهم في الوسط بتاعتنا ولا يعرف أي حاجة لكن كان مرافق معايا في فترة من فترات حياتي بدافع من أمي”..وهو دخل حتة شاف أجواء معينة حاول يخش ويتعلم لكن عمره ما كان مدير أعمالي علشان يتشهر في الوسط الفني ويسوق لنفسه لكن مع المشاكل طردته”.. وخلال اللقاء تحدث خالد سليم عن فترة مرضه موضحا أنه عانى لفترة ما بسبب زيادة الوزن، وكان يعاني من التنمر في مواقف ما، متابعا: “أصحابي كانوا بيتريقوا عليها ويتنمروا عليا.. وتعرضت لأذي نفسي”.
