الموقع – مجلة الكترونية فنية شاملة elmaw2a3
متابعة/ حسانة سليم
كشفت النجمة منة شلبي تفاصيل خلافها مع النجمة هند صبري، في وقت انطلاقهما بالسينما..وخلال لقائها في برنامج “سهرانين” مع النجم أمير كرارة قالت منة شلبي إن علاقتها بهند صبري لم تكن جيدة في بداياتهما الفنية مضيفة “:مكنش لينا في بعض أوي، مكنش فيه خناق، بس مكنش فيه حب، طلعنا احنا الاتنين مع بعض كانت هي بتعمل فيلم مواطن ومخبر وحرامي ومذكرات مراهقة، وانا كنت بعمل الساحل وبحب السيما، وادوارنا كانت جريئة في الفترة دي، في الفترة اللى انطلقنا فيها انا وهند صبري كان يجي حد يخلينا نسخن علي بعض ويقولي دي متبحبكيش وانا اقول دي مبتحبنيش ازاي يعني ويقولها نفس القصة، وبعدين اشتغلنا مع بعض فيلم أحلى الأوقات، وكل واحدة فينا كانت كتفها كان عالي علي التانية، بس محترمين، وكان وسطنا أعظم حكم حكم ست البنات حنان ترك،برغم اني انا وهند صبري مش قريبين من بعض بس كان فيه ود شديد صنعته حنان ترك لإنها كانت قريبة مننا احنا الاتنين”.واختتمت :” خلص فيلم احلى الأوقات لا حرب ولا سلم ومفيش حاجة، وبعدين جالنا فيلم بنات وسط البلد، فالمخرج محمد خان كلمني فوافقت وقلت له مفيش مشكلة وروحنا نعمل بروفة قراءة عنده في البيت بالمعادي واحنا بنفتح النسخة بصيت لهند صبري وقلت لها فيه كلام عايزة اقولهولك وهي كمان قالت لي وانا كمان وعرفنا ان فيه شوية ناس استغلت شوية تفاهة وصنعوا المشكلة ما بيننا ولكن فيه احترام لرحلتنا وشقانا وتعبنا وجرأة في الأعمال عن حب شديد للشغلانة، وتفاهمنا وانتهى سوء التفاهم اللي بينا واتصافينا”.
