الموقع – مجلة الكترونية فنية شاملة elmaw2a3
متابعة/ حسانة سليم
أعرب ابن شقيق العندليب الراحل عبد الحليم حافظ عن استيائه الشديد بسبب استخدام صوت الراحل بالذكاء الاصطناعي، في أغنية لمطرب المهرجانات عصام صاصا.. وقال محمد شبانة ابن شقيق العندليب عبد الحليم حافظ:” أنا سمعتها وده مش صوت عبد الحليم، وهو علشان مستغل اسمه وصورته، وأنا هاخذ الإجراءات الفانونية بعد العيد إن شاء الله لو سمعته من غير اسمه وصورته كأنه مش عبد الحليم، وبس عشان حاطط الصورة والاسم بيخيل الناس إنه عبد الحليم علشان يحقق شهرة، وطبعًا دي إساءة، وهناخد الإجراءات القانونية اللازمة الرادعة”..وكان تداول مستخدمو مواقع التواصل الاجتماعي، فيديو بأغنية مسا مني ليكو لمطرب المهرجانات عصام صاصا، بصوت العندليب عبد الحليم حافظ بتقنية الذكاء الاصطناعي.. وأثار الفيديو جدلًا كبيرًا عبر مواقع التواصل الاجتماعي، وجاءت تعليقات الجمهور بين الغضب والسخرية، حيث علق أحد الجماهير قائلًا:” ياريت تجيب أم كلثوم وهي بتغني بنت الجيران، راحت هيبة عبد الحليم، إيه التلوث اللي بسمعه ده”.
