الموقع – مجلة الكترونية فنية شاملة elmaw2a3
متابعة/ حسانة سليم
تحدث الفنان القدير حسن يوسف عن رأيه قضية مقتل السندريلا سعاد حسني، حيث رجح أن الفنانة الراحلة قتلت ولم تنتحر مثلما زعم البعض، مشيرا إلى أن قتلة السندريلا ربما يكونوا أعطوها حقنة لتوقف قلبها، قبل أن يلقوا الجثة من المسكن التي كانت تقيم به، حسب قوله.. وقال حسن يوسف خلال ندوة تكريمه في قصر السينما: أعتقد إن سعاد حسني اتقتلت مش انتحرت، والمنتحر المفروض يكون جمبه دم، هي اتقتلت في الشقة قبل ما تترمي أدوها حقنة توقف قلبها مثلا.. روحنا لندن نزور ابننا محمود ومن أهداف الرحلة إن شمس، تقنعها بالرجوع وكانت بدأت تخس وينزل وزنها، وكان عندها العصب السابع، وبعدين سمعنا إنها اترمت، كانت بتستعد إنها تيجي وترجع.. الله يرحمها زعلت عليها أوي وكنت بعتبرها زميلة رحلة فنية، قدمتا سويا عدة افلام،الله يرحمها كانت موهبة كبيرة أوي.. سعاد حسني كانت تيجي التصوير معاها ملوخية ودمها زي الشربات، كانت عبقرية بشهادة فاتن حمامة اللي قالت: السينما قدامها كتير عشان تجيب زي سعاد حسني في براعتها وحضورها..لحظات سعادتها كانت قدام الكاميرا، ولكن كانت في حياتها تعيسة وكل زيجاتها كانت فاشلة وأنا كنت زي أخوها، وتكلمني الساعة 2 بليل تقولي إلحقني صلاح كريم هيموتني.. وأنا أنزلها وأقولها خليكي زيي شوفي نادية لطفي بتعمل ايه بتحسبها بالمللي.. الله يرحمها كانت ممثلة متتعوضش رغم إن فيه بنات كتير طلعوا بعدها”.
