شيرين عبد الوهاب:” اليسا ماسكة شيكات وهذا عيب نانسي وهذا ما قصدته بوصف ميريام فارس”

متابعة/ حسانة سليم

تداركت النجمة شيرين عبد الوهاب وصف “البنت دي”، الذي قالته عن النجمة ميريام فارس خلال حلولها ضيفة في برنامج “كايروكي كاربول بالعربي” الذي يقدمه هشام الهويش..وكانت شيرين عبد الوهاب قالت عن ميريام فارس: “مجتهدة جدا، وأحبها وأحس أنها Barbie، إيه اللي مش بحبه فيها؟ معرفهاش كويس عشان أقول لك إيه الوحش اللي عندها، لكن البنت دي في حالها ومجتهدة جدا، وشاطرة جدا، و مش عايزة كلمة البنت دي تتفهم غلط، كلنا بنات”.. وعن نانسي قالت شيرين :” نانسي جميلة وفي حالها وعمرها ما اتكمت على حد وحش لكن عيبها إنها مش بتسأل عليا خالص”.. وعن اليسا قالت:” “إليسا بحب فيها إنها واضحة أوي، ومش بحب إنها ساعات لما تغني بحس إنها ماسكة على الناس شيكات، بس هي جميلة وقلبها حلو”..

كما تحدثت شيرين عبد الوهاب عن اعتزازها بأسلوب حياتها البسيط قبل الشهرة، ورفضها التعامل مع جمهورها كنجمة قائلة: “شيرين هي شيرين قبل الشهرة، نفس طريقتي في الكلام وأسلوبي، متغيرتش ومش لابسة قناع النجومية للناس، أنا زي ما أنا، أخلص شغلي وأقعد على الأرض آكل براحتي، سواء عند الأمير أو عند الغفير”..وردا على سؤال هل كانت تفضل البعد عن متاعب الشهرة، قالت: “أكيد، لكن إحنا بنتكلم عن الجانب السيئ من الشهرة، لكن الجانب الحلو ومحبة الناس ميتعوضش بكنوز الأرض، أنا كنت مش جاهزة للشهرة وعلشان كده ممكن أخرف كتير، ودكتوري النفسي بيقول إنت عاملة زي مؤسسة كبيرة جدا يديرها فرد واحد”..