الموقع – مجلة الكترونية فنية شاملة elmaw2a3
متابعة/ حسانة سليم
علق السيناريست تامر حبيب على تصريحات المخرجة إيناس الدغيدي الأخيرة بشأن ميوله المختلفة واتهامه بالمثلية الجنسية.. وقال في تصريحات تلفزيونية:” إيناس الدغيدي، بحبها جدًا على المستوى الفني والشخصي، هي صديقتي، والتصريحات اللي قالتها حصل لعب في المونتاج..وأكد تامر حبيب خلال اللقاء، أنه حاول الانتحار بسبب تناوله دواء للتخسيس، حاولت انتحر مرة زمان لأني كنت باخد دواء للتخسيس وعملي اكتئاب.. كنت شغال محاسب وبعمل حاجة مبحبهاش، وكنت متوتر جدا وعندي طموحات تانية وأحلام تانية، وفي لحظة فكرت في الانتحار ومن بعدها خدت قرار إني أغير مساري وحياتي”.
وعلق السيناريست تامر حبيب على الانتقادات التي لاحقته بعد حضوره حفل زفاف في الجونة، يوم جنازة الفنان سمير غانم، وعدم حضوره الجنازة على الرغم من عملهما معًا..وقال:” أستاذ سمير غانم الله يرحمه لو مكاني ممكن هو يعمل كده لأنه كان راجل بيموت في البهجة، وأنا يوم جنازته كنت في الجونة وعندي الفرح وكنت عايز أرجع القاهرة أحضر الجنازة وأرجع تاني على الفرح بالليل..أنا مؤمن بـ ده وكتبت وقتها لما لاموا علينا لما روحنا الفرح بالليل في نفس يوم جنازة أستاذ سمير غانم، وبكرر كلامي تاني وأنا مسؤول عنه، لما أموت عايز كل اللي بيحبوني يعملوا حفلة كبيرة على سيرتي ويشغلوا الأغاني اللي بحبها ويفتكروا المواقف الحلوة ويرقصوا ويتبسطوا، وساعتها هكون أكتر واحد مبسوط في الكون، ودي تعاملي مع الموضوع.. دا مالوش علاقة بـ دا، وتلك نقرة وتلك نقرة، ولكل مقام مقال، مش معنى إني روحت الفرح إني مزعلتش على أستاذ سمير، الراجل ده كان حبيبي وصاحبي ونولت الشرف إني اشتغلت معاه في مسلسل شربات لوز، وأنا عارف أنه مش متضايق، ولا أولاده زعلانين”.
