كاتبة تتهم دنيا سمير غانم بالسرقة وتناشد النائب العام

متابعة/ حسانة سليم

اتهمت الكاتبة الشابة روان أبو خشم، صناع مسلسل “جت سليمة” الذي تعود به النجمة دنيا سمير غانم للدراما الرمضانية بعد غياب ثلاث سنوات، بسرقة فكرتها، مؤكدة أنها تقدمت بدعوى قضائية ضد صناع العمل..وأكدت روان، صاحبة رواية “فاكيت أفريب”، أن فكرة مسلسل “جت سليمة” لدنيا سمير غانم مأخوذة من روايتها.. اذ قالت روان: “القصة باختصار إن في بنت هتنتقل عن طريق كتاب لعصر تاني وده هيبقى عن طريق إنها هتقرأ كلام في كتاب وأول ما تقرأه هتظهر عصفورة سوداء وتتنقل لزمن تاني، وعندي في الرواية جملة مبني عليها الأحداث اسمها (النهاية ولكنها البداية) ولما شوفت البرومو بتاع المسلسل لقيت نفس الفكرة بتاعتي”..

وأشارت إلى أن روايتها التي تحمل اسم “فاكيت أفريب” والمأخوذ منها فكرة مسلسل “جت سليمة”، تم طرحها في معرض الكتاب عام 2021، موضحة: “الرواية بتاعتي نزلت في معرض الكتاب عام 2021 يعني قبل المسلسل بسنتين، وروايتي مسجلة ولها رقم إيداع ورقم ترقيم دولي وليا حقوق ملكية فكرية، وأنا رافعة قضية ومش هسيب حقي،  أنا روايتي أتسرقت وأتعملت مسلسل في رمضان 2023، ومش العادي أن الأفكار تتسرق مش العادي أن المجهود يتسرق ومش عادي أن طموحاتنا تدفن، أنا بناشد النائب العام بالفيديو ده، أنا عايزة حقي، إزاي أجيب حقي عشان حتى أظهر قدام نفسي مش ضعيفة، على الأقل أكون جبت ربع التعب اللي تعبته، أنا تعبت فيها كتير جدًا وفي الآخر تتسرق، أنا عايزة حقي، وهنزل اسكرينات تثبت إن ده حقي وأنا متأكدة إني على حق”.. في التعليق الأول على هذا الاتهام قال اسلام خيري، مخرج المسلسل إن صيغة المسلسل تختلف تمامًا عن رواية فاكيت أفريب، موضحًا: “والله لو حد له حق ياخده، أنا شخصيًا أول مرة في حياتي أعرف أن في رواية بتقول الكلام ده”.