غادة ابراهيم:” مع ادوار المثلية وزنا المحارم والاغراء بس بشكل محتشم!!”

تحدثت الفنانة عادة ابراهيم عن أهمية تقديم قضايا المجتمع في الأعمال الفنية، مؤكدة أنها تستطيع تقديم أدوار عن المثليين جنسيا وزنا المحارم ولكن دون مشاهد جريئة.. وقالت :”زنا المحارم  موجود من زمان، ليه عايزين ندفن راسنا في الرمل، ولازم نقدم القضايا دي في الفن عشان نحط جزاء ويكونوا عبرة، وهنا نوصل الرسالة مظبوطة في العمل الفني، إنما مش بنروج للخطأ.وعندنا فيلم عمارة يعقوبيان اللي كان فيلم عالمي وخالد الصاوي عمل الدور بطريقة هايلة، وأنا عملت دور جريء واحد بس في حياتي، ومع ذلك بيقولوا عليا ممثلة إغراء؟ فين الإغراء دا؟ وفيه أدوار مقدرش أقدمها دلوقتي زي القبلات أو ألبس مايوه إنما ممكن ألبس مايوه وعليه كاش مايوه؛ لأن الولاد في عيلتي كبروا وبنتي كبرت، وممكن أقدم موضوعات مهمة زي المثليين جنسيا وزنا المحارم وممكن أعمل إغراء وأنا لابسة مقفول بالإيحاء..الممثل الضعيف هو اللي بيعتمد على الملابس والجسم إنما أنا أدواتي عيني وصوتي مش جسمي وممكن أعمل إغراء دون ابتذال وأنا محتشمة”.