الموقع – مجلة الكترونية فنية شاملة elmaw2a3
متابعة/ حسانة سليم
علقت النجمة إلهام شاهين على تصريحات الإعلامية ياسمين عز الأخيرة، والتي أثارت العديد من الجدل عبر مواقع السوشيال ميديا..وأكدت النجمة في تصريحات صحفية:ـ “أنا معرفهاش أصلاً، والصحافة والإعلام بيعيدوا كلامها، ولما بيتعاد بيتعملها دعاية كده.. يا جماعة أي حاجة تتقال مش عجبانا في المجتمع منروجهاش.. هتتنسى وهتهدا وتموت.. حقيقي التجاهل أفضل شي للناس اللي زي دي، وبلاش نديها قيمة”.
وأبدت التجمة، استيائها من المحتوى التي تقوم ياسمين عز بتقديمة، والتي تنحاز به كثيراً للرجل، وعلقت قائلة: “بجد ليه الراجل ميحطش الست تاج على راسه؟.. دي مش خناقة بين الست والراجل، وده علشان مينفعش نقول مين يعمل لمين ومين يهتم بمين، والاتنين لازم يهتموا ببعض وضروري يحترموا بعض، ولازم يكونوا قيمة جميلة في حياة بعض، والمهم أوي يكون في سكينة ومودة ورحمة بين الزوجين”.
من جانبها، وجهت الإعلامية ياسمين عز رسالة إلى إلهام شاهين، بعد تصريحاتها عن عدم تدخل الجمهور فيما لا يخصه وتأثير السوشيال ميديا على الفنانين.. وكتبت ياسمين عز، عبر حسابها الشخصي على الإنستغرام: “الناس كجمهور ليهم دعوة بكل حاجة ويخصهم كل حاجة، الجمهور يعمل اللي هو عايزه ويتدخل في اللي هو عايزه في اي وقت واي حتة واي مكان، الجمهور هو من صنعك وكل شخصية عامة”.
