الموقع – مجلة الكترونية فنية شاملة elmaw2a3
متابعة/ حسانة سليم
صرحت النجمة إلهام شاهين، خلال مداخلة هاتفية مع برنامج “الستات” عبر شاشة “النهار”، إن الأعمال الفنية التي تقدمها، تحمل رسائل مهمة جدا.،وأضافت: «أنا دايما بعمل حصيلة للسنة دي بمعني أنا حققت إيه، وربنا كرمني جدا السنادي، وسعيدة بكل الأعمال اللي كانت فيها، ومسلسل بطلوع الروح حقق ده وجاب نسب مشاهده عالية في كل الدول العربية، وبشكر كل اللي هاجمني لأنهم عملولي دعاية في كل العالم وخلي الناس تشوف المسلسل، أنا بحب الإنسان يشتغل بعقله، وعندي كتب كتير جدا منها الإنجيل والتوراة، وأنا لو معملتش عمل يسيب أثر ولو الدور مفيهوش جديد أو أنا عملته قبل كده، مش هشتغل».
وعن إعلانها السابق لتبرعها بأعضائها، قائلة: «دي فكرة خير جدا، وكل الشعوب عندها ده، أنت بتنقذ فيها إنسان من الآلم والموت، واللي يحارب فكرة زي دي يبقي معندوش إنسانية،أنا فكرت في الفكرة دي من فترة كبير، وكانت بيني وبين أهلي، واللي شجعني إني أصرح بيها في فيديو صوت وصورة هو الدكتور خالد منتصر، أنا كل أرائي اللي بعتقدها بحاول أجسدها على الشاشة، فمثلا دوري في مسلسل بطلوع الروح بيمثل أرائي في الإرهاب ومدى كدبهم، وأرائي واجب عليا، وهكون بخون نفسي لو موصلتش رسالتي كفنانة».. ولفتت: «أنه لا يوجد تفرقة بين الأديان، وأن الدين يعنى الأخلاق، أنا بصلي في الجامع والكنيسة والمعابد اليهودية، ولو حبيت شخص مش مسلم هتجوز منه زواج مدني».
