غادة ابراهيم:” صرفت فلوسي على التجميل ولهذا السبب انتحرت؟”

متابعة/ حسانة سليم

خلال استضافتها في برنامج “قعدة ستات” الذي تقدّمه الإعلامية مروة صبري على شاشة قناة “القاهرة اليوم”، كشفت الفنانة غادة إبراهيم عن تفاصيل خضوعها لعمليات تجميل ونحت الجسم في عام 2017.. إذ قالت: “عملت عملية شفط عام 2014 وتعرضت لأزمة عام 2016 ومن ثم عملت نحت عام 2017، وكنت قاعدة فاضية مبعملش حاجة فقولت أظبط الدنيا”. وأضافت: “كنت زمان بلعب سكواش وكنت أنحف من دلوقتي، أنا حالياً 66 كيلو، ولازم أنزل 6 كيلو، وأنا لما بكتئب باكل كتير، عكس كل البشر”..

وأردفت بالقول: “الدكاترة والعمليات أخدوا كل فلوسي، لأني بختار دكاترة ومستشفيات نضيفة، وأنا موسوسة بطبعي عشان برج العقرب، فبدفع..”، وعن تفاصيل معاناتها بعد وفاة والدها، بعدما كانت متعلقةً به كثيراً، قالت غادة إبراهيم: “مقدرتش بعد وفاة بابا وكنت عايزة أمشي وأهرب من البيت ووافقت بأول جوازة، وكنت عايشة مع أخويا وأختي وعندي أخوات من بابا؛ لأنه كان متجوز 3، قطعت شراييني بعد وفاة والدي ومقدرتش، وابن عمي جري بيا على المستشفى، ده كفر ومش حاجة حلوة، بس أنا كنت صغيرة مش فاهمة وهانت عليّا نفسي، ماما حاجة جداً ومامتها كانت تركية، وكانت مدلعاني بس مش زي بابا، أنا كنت في حضن بابا ودلع وسفر وكل طلباتي أوامر، لكن ماما مش بتبين حنيتها وحنانها داخلي، أول عربية ألماني كانت جيبهالي ماما وأنا في ثانوي وكانت طلب خاص ومدلعاني بس مش زي بابا، وأنا مقدرتش وكنت عايزة أهرب”.