الاعلامية بسمة وهبه:” حسام حبيب لا يتعاطى واعرف كل التفاصيل وشيرين ضحبة!!”

متابعة/ حسانة سليم

دافعت الإعلامية المصرية بسمة وهبة، عن الفنان حسام حبيب، بعد الهجوم الذي تعرض له مؤخرا، واتهامه بأنه كان السبب في إدمان زوجته السابقة الفنانة شيرين عبدالوهاب. بسمة وهبة قالت: “حسام حبيب مش زي ما الناس فاكرة، وأنا لو حسام يسمحلي أتكلم أنا عارفة قصته وهو فيه إيه بالظبط بس مقدرش أتكلم لأني مأخدتش إذنه، حسام ممكن يكون عنده شيء يخليه يتصرف تصرفات ويزعل شيرين، لكن حسام مش مدمن ولا بيتعاطى”..

وأضافت: “مش بحب أحكي ولا أنشر علاقاتي بالناس، عندي لشيرين فويس نوت علشان أنزلها في البرنامج لكن مرضتش لأنه مش هيضيف ليها هو هيضيف ليا أنا، وشيرين مجني عليها وضحية هي إنسانة طيبة جدا، هي محتاجة تعيد حساباتها وأنها تاخد قرارتها بنفسها هي عندها حالة من الخوف بتخليها دايما عاوزة حد جنبها سواء صديقة أو مديرة أعمال أو زوج، طول الوقت عاوزة عكاز، أنا زعلانة من شقيق شيرين ووالدتها مش في اللي عملوه لكن في اللي قالوه، هفترض أن الكلام دا حقيقي دي نجمة الوطن العربي إزاي أكشفها بالطريقة دي أنا اعترض، شيرين بنت مصر ومينفعش نجمة مصرية يتقال عليها كده”.