الموقع – مجلة الكترونية فنية شاملة elmaw2a3
متابعة/ حسن الخواجة
هددت المطربة دينا المصري، بإنهاء حياتها في بث مباشر على حسابها في الفيسبوك. وظهرت دينا داخل سيارتها، وقالت: “آخر مرة هتشوفوا وشي، وآخر مرة هتسمعوا الكلام دا، أنا دلوقتي اتصلت بماما علشان أسمع صوتها لآخر مرة بس تليفونها مقفول..كلكوا طبعا عارفني كويس، وعارفين إن عمري في حياتي ما ضعفت بالشكل ده، أنا اسمي دينا وعندي 29 سنة، خريجة سياحة وفنادق، مطربة، أنا متربية بين أم وأب انفصلوا من وأنا عندي 7 سنين..نزلت اشتغلت من وأنا عندي 9 سنين كل حاجة، بياعة في محل ملابس، في سنترال، خضار وفاكهة، في مصانع، معصرة قصب، بنزينة، والدتي اتجوزت بابا اللي رباني أنا وأخويا، وحبني أوي، وأنا حبيته بس ما كنتش عارفة إني بحبه أوي إلا لما ربنا افتكره، من بعد ماما ما انفصلت عن بابا وأنا تعبانة، ودايما بدور على حاجة نقصاني في وشوش الناس، في الصحاب، في الحبيب، في الأهل، في الشغل، دايما بدور على أب”.
واستطردت دينا باكية: “دايما حاسة إن ضهري عريان من بعده، ومن بعده ما فيش حد عرفني إلا وكان عايز مصلحة، من حبيب، أهل، صلة دم، قريب، صحاب، عايزين ياخدوا فلوس وحب وحاجات كتيرة، بقالي فترة بعافر بس تعبت وروحت لدكتور نفسي، بقالي فترة بتعالج وباخد منوم ومهدآت وتعبانة بردو، نا قررت إن أنا أنهي حياتي، قولوا بقى ضعف ولا خارجة عن دينها، فا أنتوا هتحضروا معايا اللحظة دي، بس أفتكروا أنا عمري ما أذيت حد، بس كلكوا أذيتوني، ودمرتوني، أنا بكرهكو”.. بدأت دينا حياتها في الإذاعة المصرية لمدة عامين، ثم قامت بالغناء في دار الأوبرا المصرية لفترة طويلة،.وطرحت دينا المصري من قبل أغنية بعنوان “اسمك حبيبي”، من ألحان رامي جمال، وكلمات محمد عاطف، وتوزيع وسام عبد المنعم..وأعلنت أنها تستعد لطرح ألبوم غنائي جديد بعنوان “دمعك احبسيه”، وهو من ألحان محمد مدين وتوزيع زيزو فاروق وكلمات هشام صادق.. كما صرحت دينا من قبل أنها تتمنى العمل مع المطرب أحمد سعد أو بهاء سلطان فى أغنيات مشتركة إلا أنها لم يحالفها الحظ للعمل معهما حتى الآن.
