الموقع – مجلة الكترونية فنية شاملة elmaw2a3
متابعة/ حسانة سليم
كشفت ريما الرحباني تفاصيل التقاطها لصورة، نشرتها عبر حسابها على الفيسبوك اثارت انتباه الجميع وعلقت كاتبة:”” فيروز إمّي، زياد أخوي، وهلي الرحباني أخوي، الثلاثاء 21 يونيو 2022 في تمام الساعة 8و 21 دقيقة، القداس السنوي عن راحة نفس عاصي أبوي، وليال الرحباني إختي..مش من زمان كتير فهمت أشياء كتيرة، أسئلة كتير كنت طرحتها بيني وبين حالي، طرحتها على خوارنة ومطارين.. على فلاسفة ومؤمنين.. بفتش عنها بالكتب والأناجيل.
وتحدثت ريما الرحباني عن الأسئلة التي دارت في ذهنها، منها سبب ولادة شقيقها بإعاقة ذهنية، بالإضافة لرحيل والدها وشقيقتها مبكرا، مشيرة إلى أن تواجد شقيقها كان سببا في عدم سيطرة الغرور وحب الشهرة على أنفسهم.. وتمنت ريما الرحباني أن يطيل عمر شقيقها هلي، قائلة: “هلي يا ملاك البيت، الله يحرسك ويطول عمرك ويخليك بركة هالبيت..ضريبة الشهرة، مقابل كل فرح في وجع! مقابل كل نجاح في بِكي، وما كانت تِرضى نفسي ولا تِستَكين”.
وتابعت: “هلي بيناتنا نحنا بالذات ت نضَل ماشيين عَ الارض! هلي حمانا من ضو الشهرة والمال والجاه والتكبُّر والتعجرُف وكل ملذّات الحياة الفانية، هلي نقّى نفوسنا وقلوبنا وطهّرها! هلي رد عنّا ضربات الحقد الماكر والحسد والغيرة، هلي خلانا نضل مجموعين وخلّا هالبيت ما يعيش فيه إلا الحُب، وخلا قلوبنا توزّع حب وفرح عالناس كل الناس، خلانا مرتبطين بالناس البُسطا اللي بيشبهونا ومنشبهن! مش عن عبث بِكره الحياة الاجتماعية اللي مليانة تصنّع وكذب وسطحية وظهور وحفلات وبَطر ونجومية! مش عن عبث ما برتاح إلا مع الناس الطيّبين بالضياع الخجولة والفلاحين والزرّاعين والحطّابين والعمّال الكادحين.. لاء.. منّي شيوعيّة.. لاء انا مسيحيّة وهيك بتكون المسيحيّة الحقيقيّة!مش اللي مغطسة بتيجان الدهب ولا بالصلبان المشطوبة، ما حدا علّمني ما حدا ربّاني ما حدا لزَمني.. كون هيك،”
واضافت:”هلي اللي ما بيِحكي وما بيِسمع وما بيِمشي هوّي اللي علّمني كل هول.. علّمني سامح وحب وأعطي أهلي عمري وحياتي متلما هوّي عطانا، وبحسب قناعة عاصي وكلام عاصي إلي (هلي وزّع ذكاه عليكي إنتي وزياد وليال بالتساوي! ولهيك لازم كتير تحبّوه لهلي!) أي يا بيّي هيّاني عم قول اللي بدَّك ياني، إنتَ وساكن العالي، قولو هلي يا ملاك البيت”.
