بالفيديو.. فنان مشهور يعتزل الفن ويعمل في ورشة تصليح سيارات فمن بكون ولماذا؟

متابعة/ حسانة سليم

تعلن الفنان حسين ايو الحجاج خلال حلوله ضيفا ببرنامج ” مصر الجديدة”المذاع عبر قناة ETC مع الإعلامية  انجي نور، عن اعتزاله التمثيل وذلك لظروف صحية .. وأشار إلى أنه رفض عدد من الأعمال في الموسم الرمضاني 2022 التي عرضت عليه وأنه يفضل فقط العمل مع الفنان  احمد مكي ومشاركته في مسلسل الكبير في جميع أجزائه..

فقال : ” اللي هما بيعملوه معايا أنا مش متأكد إن حد غيرهم يعمله معايا .. وأنا اختصرت الموضوع وقولت عندي ظروف ومقدرش اشتغل والكبير ده استثناء ” ، وأكد أبو حجاج على توقفه عن العمل في المجال الفني وأنه وإن عاد إليه سيكون إذا طلبه الفنان احمد مكي للعمل معه خاصة وإذا تقرر إنتاج ” الكيسؤ اوي” الجزء السابع ..وتابع متحدثا عن تجربته بمسلسل الكبير : ” لينا 6 سنين مع بعض بنشتغل بقت أسرة ومفيش استغناء عن التاني .. الأستاذ مكي نفسه برغم نجوميته مش عامل نفسه نجم على الناس الموجودة معاه ”.. وعلق على سبب رفضه المشاركة في أعمال فنية مع نجوم آخرين واعتزاله قائلا : ” كل واحد بياخد نصيبه وانا نصيبي جه لحد كده وأنا كده تمام وظروفي الحمد لله تمام ولو ربنا مقدرلي حاجة أكتر من كده كنت هعملها ”، وعن سبب عودته لعمله السابق قبل دخوله الفن بورشة ” كاوتش سيارات ” قال : ” الورشة بالنسبالي ناس بتاكل عيش اقفلها ليه .. ولو انت فنان النهاردة ومعندكش مشروع يسندك ولا ليه لزوم الفن، دي حاجة كنت مبسوط بيها قبل التمثيل وكانت معيشاني ومعيشة ولادي كويس وولادي كلهم اتعلموا في مدارس خاصة .. ربنا كارمني في حاجة تانية فسايبها للناس اللي بتاكل عيش معايا ”