بالفيديو.. مصطفى فهمي:” بتحب الشهرة وكانت تعلم ووالدها بالطلاق وطلعتني حرامي غسيل واناشد النائب العام”

متابعة/ حسانة سليم

حلّ النجم مصطفى فهمي مساء أمس الاثنين ضيفاً على برنامج “الحكاية” الذي يقدّمه الإعلامي عمرو أديب، حيث كشف الكثير من أسرار حياته الشخصية والفنية، وتحدث عن أزمته مع طليقته الإعلامية اللبنانية فاتن موسى، والتي وصفها بأنها امرأة تعشق الشهرة.. وأكد فهمي أنه حاول التفاهم مع زوجته على الطلاق ودّياً قبل عام ونصف العام، ولكنها رفضت فقرر الاستعانة بشقيقها الذي رفض التدخل بينهما، ليستعين بعدها بوالدها بعد مضي 7 أشهر أخرى للمساعدة في إجراءات الطلاق، ولكنه هو أيضاً رفض التدخل لأنهما ناضجان بشكل كافٍ، وطلب منهما إنهاء الأمر بهدوء وعدم السماح لأحد بالتدخّل بينهما.

وخلال اللقاء، تم عرض الرسائل الصوتية التي تؤكد صحة كلام النجم المصري الذي أوضح أنه “طلّق فاتن غيابياً وهي موجودة في لبنان كي تساندها عائلتها وتقف إلى جانبها في محنتها”. وأضاف: “هي متعرفش أي حد في مصر، مالهاش حد لو حصل طلاق وهي هنا هتنهار مين هيقف جنبها”، مشيراً إلى “أنه لم يبلغها بقرار الطلاق إلا بعد انتهاء حفل خطوبة شقيقتها كي يمر اليوم بسلام، انا إنسان نهاري ولا أحب السهر، كما أنني لا أهتم بوسائل التواصل الاجتماعي وليست لي أي حسابات عليها باستثناء تطبيق واتساب”… وكشف أن الفنان يحتاج الى زوجة بمواصفات خاصة، “لأن الفن مش شغلانة محددة المواعيد، التصوير ممكن يوم يستمر أحياناً لحد الصبح، والمرأة هي المرأة سواء مصرية أو أجنبية، فيه ستات بتكون مقررة تنكّد على زوجها ولو عايزة تريحه هتريحه”… وأكد أن الخلافات الزوجية المستمرة سبب كافٍ لإنهاء أي زواج، موضحاً: “لما أكون مش قادر أكمّل لازم أقرّر إنهاء العلاقة، لأنه مش هينفع أكمّل في علاقة وسط خناقات لا تنتهي، وحياة أنا مش مبسوط فيها أكمّل فيها ليه؟ أنا من النوع اللي لما أحسّ إني مش قادر أتفاهم مع الشريك بحطّ خط وأنهي”..

وعن أسباب انفصاله عن فاتن موسى، قال: “أنا مستحمل اللي بيتقال عليّا في السوشيال ميديا ولكن عيب عليا أتكلم أو أشهّر بواحدة ست كانت مراتي… عيب إني أقول عليها حاجة وحشة لأنها ممكن تكون زوجة لحد تاني يقدر يحقق لها اللي أنا مقدرتش أحققه ليها في يوم من الأيام”.. وأضاف: “فاتن خدت الشقة بطريقة وحشة، وكانت حاطة بودي غارد لمدة 12 يوم أمام باب الشقة، واضطريت أجيب واحد من شركة أمن مرخصة عشان أحافظ على مقتنياتي اللي لسه موجودة داخل الشقة. أنا قاعد في لوكاندة حالياً وكل مقتنياتي داخل الشقة، وولادي مهدّدين حالياً، اللي عايز حقه ياخده بالبلطجة، إحنا في دولة قانون وأنا أحترمه”..

وتابع فهمي قائلاً: “بخاطب سيادة النائب العام الموقّر والمحترم التحقيق في القضية دي، أنا بقيت متهم بالإرهاب والبلطجة، ومهدّد أنا وولادي طول الوقت، في حد بيخطّط للهرتلة اللي بتحصل ضدي على السوشيال ميديا، المحامية بتاعت فاتن هدفها الفلوس وكانت بتقول إن فاتن اتطلّقت عشان مصطفى فهمي خايف على نفسه من شهرتها ونجاحها”، متسائلاً: “اللي عايزة تثبت إن جوزها كده تنشر ده على السوشيال، والتشهير ده مش هيعدّي من غير حساب، دي مطلّعاني حرامي غسيل وأخدت هدومها من الدولاب، دي ست بتحب الشهرة، واللي عايز يشتهر يعمل فضيحة، دي كانت بتقولي إنها سبب شهرتي، هيا من زمان كانت عايزة تمثل وطلعت معايا في مشهد… الى أن فوجئت بأحد البنوك بيطالبني بأقساط قروض كانت سحبتها فاتن”