بالفيديو.. وفاء مكي تنفعل على راغدة شلهوب وترفض الرد على تعذيب الخادمة

متابعة/ حسن الخواجة

رفضت الفنانة وفاء مكي الحديث عن تجربة دخولها السجن، قائلة: “مش عايزة أتكلم في موضوع السجن، حاجة فاتت وانتهت من حاجة وعشرين سنة، حنفضل نعيد ونزيد”.. وأضافت وفاء مكي، خلال حوارها في برنامج “نص الكلام” الذي تقدمه الإعلامية راغدة شلهوب والمذاع عبر فضائية “النهار”: «تجربتي تفيد غيري أو متفيدش غيري كل واحد أدرى بنفسه، أنا هعلم الناس؟».

وأضافت الفنانة: “في واحدة بتطلع على السوشيال ميديا، وتقول حنتكلم عن وفاء مكي عايشة ولا ميتة عشان تعمل تريند. أنا دلوقت اختلفت عن الأول، مبردش وبشتري دماغي، ابني بيدخل على يوتيوب وبيعرف، أنا مش قضية مخلة بالشرف، وبقول له متثقش في الكلام ده”، مضيفة: “لو كنت مشيت على منهجي دلوقتي زمان كانت حاجات كتيرة إتغيرت في حياتي، ربما ربنا عمل كده لحكمة يعلمها، أنقذني من حاجة تانية. والإنسان مسير مش مخير ولا يخطو إلا بإذن الله”.. ورداً على مزاعم تعذيب الخادمات، قالت وفاء مكي: “حد شافني وأنا بعذبها؟”، مستشهدة بآية قرآنية: “يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين”.